【安心偷食】裕美評安心出軌受網民圍攻　過來人裕美千字文反擊：香港做明星要似聖人

黃心穎許志安出軌事件餘波未了，早前藝人裕美就曾對安心偷食發表意見，事緣裕美因為與黃心穎合作TVB劇集《堅離地愛堅離地》而相識，她以「過來人」身份回應稱「情到濃時難以控制」，因而遭受到網民反感，因此留言攻擊裕美。昨晚（4月23日）曾歷出軌「過來人」裕美在個人社交媒體出帖文回應連日來的留言批評，作出千字文反擊。

▲ 裕美公開攻擊自己的網民帳戶。（取自裕美IG）

對於安心偷食，裕美稱雖無資格評論，卻有感而發，指當如兩個人感情破裂，自然容易發生外來情愫，她寫道：

「關係已降至冰點，兩人毫無感覺、關係，甚至其實唔再彼此關心，卻又因為多年嘅感情、共同生活、習慣，無法一時三刻分開……其中一方喺生活中毫無溫暖、甚至被對方冷落、粗暴對待嘅情況下，在外面遇到新的人，自然會產生情愫，因為關係裏的對方，其實早已唔care。」

裕美亦提到：

「我不知道安心事件裏面兩段伴侶之間的關係，也不適宜評論。我只能說，如果他們關係是有名無實，好像我當年一樣，那麼所謂的『出軌』、『偷食』，就和該段婚姻、情侶關係一樣，有名無實。嚴格來說是正確，但是who cares? We know the truth. 其實喺外國，有好多藝人都『偷食』但都不會影響佢哋嘅事業冇咗，點解要將私人個人嘅事同工作拉埋一齊嚟講？」 

在香港做明星就要安份守己，做旁（榜）樣，做到聖人咁樣。有幾多有錢人或做高層搵好多錢嘅人，佢地都有偷食，但因為佢地唔係公眾人物所以無人講，無人知。

我唔係將偷食合理化，係我既角度睇事情，係出於憐憫人既心理，唔係不斷講岩（啱）定錯....錯了就要將人置於死地嗎？

裕美決定不再啞忍，更將攻擊自己的網民帳戶公開，並將咒罵自己的原因為成三類，全文內容如下:

一，香港男女不平等問題實在離譜。將女人看作是要靠攀附另一半成名，咩「食都食個出名啲」- 你以為我地仲喺舊時代？我14歲出道到現在，靠的就是自己，養家糊口。我從未想過同任何富貴人家一齊，係因為我認為女人當自強。

係，我冇同過咩大明星、大名人一齊，當年亦冇嫁入豪門，反而係普通一個基督徒家庭，就正正係反映我嘅價值觀。

二，關於自己係咪衰人，我喺之前一段關於「有名無實」嘅分享裡面已經講過：如果該婚姻、情侶關係係有名無實，或者有共識分開、離心已決，那麼所謂的出軌、偷食，也係有名無實，不值得大家批判的。

三，娛樂圈裡面，我算係唔想紅嘅一個。多年來都覺得，自己性格唔適合做呢行。我14歲出道，係因為自己鍾意唱歌而已。出道不久就因為歌同節目小小走紅，也只是時來運到，自己不敢認係靠自己努力。

但我從來沒有因此好恨一直紅下去，甚至希望能簡單安定下來，離開呢個圈。我也確實離開過。回來後的我沒有在想爆紅，只是希望可以做好自己的工作，養家糊口，過自己理想的簡單生活。比起娛樂圈很多的人，我覺得自己，才是一直心水清的人。

▲ 當年裕美因出軌而形象插水。（取自裕美IG）

帖文一出，不少網友給予支持，更安慰裕美「別理人家。做好自己」、「認識你的人自然懂得你的好! 」。有的更替裕美抱不平，認為網絡欺凌的人不負責任，不要因為這些惡意言論而不開心。